Ituá puppú pianhitté iddehó, mó pibihetté moadsekú, badzé iddehó, iddhú iddehó, pawí iddehó dehém dadipuppú raddawí buhohé dó tokenheá. Wekó dó wán tukietsetté mó puppú uhekié bó raddawí buraddá dadioff-line dó widdó mó bihe iraddakietté han'hó, moró pelewí hiadseddé yetteumanran'á budsehó dadibewí ihan'hotté mobihemarakú mó ipotté modsohokú idsohotté.
Itisú ibuyehohó monnekú adse bó kasendiá mannusý dó tupupputté, Raddá mó iraddatiddhytteá buyehohó, Dzú mó prí, Dhú mó ikongotté buyehohó mó itasutté dó idsohotté dsohó. Anró anhiddhú dadihuddakié idsohotteá buhohó iddehoá mó ikietsetté mobuihokú mó kasendiá momoihikú mó idsohotteá modsohokú (arankedzóá, inkoá, ukié, manni, raddawiá, krobuyé, kroá) hó iklú iraddawisú dadittewí arankeakí.
Autor da matéria: Suã Ari Llusan
Nenhum comentário:
Postar um comentário